काठमाडौं । एसइईको नतिजा सार्वजनिक भएको छ। आज राष्ट्रिय परीक्षा बोर्डले नतिजा सार्वजनिक गरेको हो। गत वर्षभन्दा नतिजामा सुधार देखिएको राष्ट्रिय परीक्षा बोर्डले जनाएको छ । नतिजाअनुसार ३.६० देखि ४ ग्रेड ल्याउनेको संख्या २२४७५ जना छन् । यो प्रतिशतमा ४ दशमलब ६३ हुन आउँछ । गत साल ९ हजार ६३३ जनाले ३.६० देखि ४ ग्रेड ल्याएका थिए ।
नन ग्रेड ल्याउनेको संख्या २.८९ प्रतिशत अर्थात १३ हजार ९९२ रहेको छ ।
परीक्षामा देशभरका दुई हजार ३७ परीक्षा केन्द्रमा सामुदायिक र निजी विद्यालयका गरी १२ हजार ८३ विद्यालयका चार लाख ८५ हजार तीन सय ९६ विद्यार्थी सहभागी थिए ।
