काठमाडौँ । कांग्रेसको १४ औं महाधिवेशनबाट गगन थापा र विश्वप्रकाश शर्मा महामन्त्री पदमा विजयी भएका छन् । शेखर कोइरालाको प्यानलबाट महामन्त्रीमा उम्मेदवार बनेका थापाले सबैभन्दा बढी ३०२३ मत ल्याएर महामन्त्रीमा निर्वाचित भएका हुन् ।
त्यस्तै, १९८४ मत ल्याउँदै दोस्रो स्थानमा रहेर विश्वप्रकाश शर्मा पनि महामन्त्रीमा निर्वाचित भएका छन्। महामन्त्रीका उम्मेदवार रहेका अन्य उम्मेदवारहरु प्रकाशशरण महतले १५५० , प्रदीप पौडेलले १४०९ मत, मीनेन्द्र रिजालले ८०९ मत र राजाराम कार्कीले १०७ मत प्राप्त गरेका छन् ।
