काठमाडौं। बिपी कोइराला स्वास्थ्य विज्ञान प्रतिष्ठान संयुक्त संघर्ष समतितिले प्रतिष्ठानका पदाधिकारीको तत्काल राजीनाम माग गर्दै पदाधिकारीको कार्यकक्षमा तालाबन्दी गरेका छन् ।
प्रतिष्ठानका चिकित्सक, स्वास्थ्यकर्मी तथा कर्मचारीहरुले बुधबार प्रतिष्ठानका पदाधिकारीहरुको कार्यकक्षमा ताला तालाबन्दी गरेका हुन् । प्रतिष्ठानका चिकित्सक स्वास्थ्यकर्मीको बढुवा तथा भत्ताका विषयहरु र प्रतिष्ठानमा भएका अनियमितताका घटना तत्काल छानबिनको माग गर्दै उनीहरु असार १ गतेदेखि आन्दोलनमा रहेका छन् ।
आन्दोलनरत स्वास्थ्यकर्मीले प्रतिष्ठानका असक्षम सम्पूर्ण पदाधिकारीको राजीनामा हुनुपर्ने, प्रतिष्ठानका कुलपति प्रधानमन्त्रीले नै उच्चस्तरीय वार्ता टोलीको गठन गर्नुपर्ने र आगामी दिनमा पदाधिकारी चयन हुँदा विभिन्न आयोग तथा विज्ञहरुले दिएको सुझाव अनुसार विशिष्टिकृत, तथा विज्ञहरुको समूह बनाई उक्त समुहले सिफारिस गरेको व्यक्तिमात्र चयन हुनुपर्ने जस्ता माग गर्दे आन्दोलनमा उत्रेका हुन्।
