काठमाडौं, २५ पुस । प्रदेश नं. ३ को प्रदेश सभा बैठक आज बस्दैछ । बैठकमा प्रदेशको नाम र राजधानीवारे छलफल हुने जनाइएको छ । बिहिवारको बैठकमा पनि सांसदहरुले प्रदेशको राजधानी तोक्ने विषयमा आ आफना धारणा राखेका थिए ।
छलफलमा सांसदहरुले काभ्रे र हेटौंडालाई राजधानी बनाउने विषयमा आ-आफ्नो धारणा राखेका थिए । कतिपय सांसदले सुगमता र सबैलाई पायकका हिसावले काभ्रे नै राजधानीका लागि उपयुक्त भएको बताएका थिए भने कतिपय सांसदले हेटौंडा नै राजधानीका लागि राम्रो स्थान भएको धारणा राखेका थिए ।
नेकपाको आज बसेको प्रदेश सभा संसदीय दलको बैठकले हेटौंडालाई राजधानी कायम गर्ने निर्णय गरेको छ । यसैगरी आज हेटौंडामा बसेको बिभिन्न राजनीतिक दलको बैठकमा काभ्रे र हेडौलाई राजधानी बनाउने बिषयमा प्रदेश सभामा प्रस्ताव लैजाने सहमति बनेको छ ।
