काठमाडौं, १३ असार । महानगरीय प्रहरी परिसर काठमाडौंले उपत्यकामा ‘सूई आतंक’ मच्चाउने व्यक्तिलाई पक्राउ गरी सार्वजनिक गरेको छ ।
युवतीहरुलाई जथाभावी सूई घोच्दै हिँड्ने रामेछाम घर भई हाल महाराजगन्जमा रेस्टुरेन्ट व्यवसाय गरेर बस्ने सन्तोष कार्कीलाई प्रहरीले पक्राउ गरेको हो । कार्कीलाई प्रहरीले बिहिवार राती मोटरसाइकल सहित पक्राउ गरेको हो । पक्राउ परेका कार्कीलाई शुक्रबार प्रहरीले पत्रकार सम्मेलन गर्दै सार्वजनिक गरेको छ । कार्कीले बयानमा ढलानको काँटी प्रयोग गरेर घोच्ने गरेको बताएका छन् । उनले प्रारम्भिक बयानमा आफ्नो अपराध स्वीकार गर्दै रमाइलोका लागि त्यस्तो गरेको बताएका थिए ।
