ओलीले मिलाइदिए देउवा र पौडेल, कांग्रेस नेताले दिए धन्यवाद (भिडियोसहित)

काठमाडौं, १७ पौष । नेपाली काँग्रेसको महासमितिको बैठक सकिएको छ । र महासमिति बैठकमा २-३ वटा कुरा मूल रुपमा उठेको देखिन्छ । बैठकमा हिन्दु धर्म नेपालको मूल धर्म हो र यसलाई आधार मानेर नेपाल हिन्दु राज्य हुनुपर्छ भनेर त्यहाँ हस्ताक्षर अभियान चलाएको थियो । तर, त्यो विषय बैठकमा छलफल र बहसको विषय बनेन । महासमितिमा त्यो विषय छलफलको विषय नबनिरहादा, महासमितिका बहु संख्यक सदस्यहरुले यो विषयलाई बहसको विषय बनाए । अब नेपाली काँग्रेसको केन्द्रिय नेतृत्वले यसलाई कसरी लिन्छ ? काँग्रेसका नेताहरुले हामी मिलिसक्यौ भनेर संदेश दिन खोजि रहेका छन् । सभापति शेरबहादुर देउवा र वरिष्ठ नेता रामचन्द्र पौडेलले पनि हामी मिलेका छौ भन्ने संदेश दिईरहेका छन् । बिपी कोइरालाले जसरी भारतबाट नेपाल आउदा ल्याएको संदेशलाई अब कांग्रेसले कसरी अगाडी बढाउने विचार गरेको छ ? यी र यस्तै विषयमा केन्द्रित कार्यक्रम ‘खरो प्रश्न’ मा प्रस्तोता प्रकाश गिरीले नेपाली काँग्रेसका नेता उदय शमशेर राणासँग गरेको कुराकानी हेर्नुहोस् :