बैतडी, १ भदौ । बैतडी प्रहरीले एक डेन्टल केयरका संचालकलाई पक्राउ गरेको छ । बैतडीको गोठलापानीमा रहेको कान्तिपुर डेन्टल केयरका संचालक सन्तोष कुमार रोहितलाई ठगी गरेको आरोपमा पक्राउ गरेको हो ।
डेन्टल केयरले विभिन्न व्यक्तिहरुलाई विशेषज्ञ डेन्टिस्टबाट उपचार गराइदिने भन्दै रकम असुलेको उजुरी परेपछि प्रहरीले पक्राउ गरेको हो । चर्को शुल्क लिएर उपचार गर्नुको सट्टा झन बिगारेको पीडितले गुनासो गरेका छन् ।
संचालक रोहितले भने आफुले चर्को शुल्क नलिएको बताएका छन् । उनले २०७४ पुसबाट बैतडीको विभिन्न ठाउँमा डेन्टल केयर संचालन गरेका थिए ।
