काठमाडौं, २८ वैशाख । नेपालको दुई दिने राजकिय भ्रमणमा आएका भारतीय प्रधानमन्त्री नरेन्द्र मोदी काठमाडौंमा अवतरण गरेका छन् । उनी आज जनकपुरधामबाट काठमाडौं आएका हुन् ।
जनकपुरकाे कार्यक्रम सकेर भारतीय हवाई सेनाको विमानबाट मोदी काठमाडौं अवतरण गरेका हुन् । विमानस्थलमा मोदीलाई परराष्ट्रमन्त्री प्रदीप ज्ञवालीले स्वागत गरे । विमानस्थलबाट मोदी केहीबेर आरामको लागि होटल हायत रिजेन्सी बौद्धतर्फ प्रस्थान गरेका छन् ।
केहीबेरपछि प्रधानमन्त्री केपी शर्मा ओलीले भारतीय प्रधानमन्त्री मोदीको सम्मानमा सैनिक मञ्च टुँडिखेलमा गार्ड अफ अनर प्रदान गर्ने कार्यक्रम छ । त्यसका लागि मोदी हायत होटलबाट चावहिल, गौशाला, एयरपोर्ट, तीनकुने, बानेश्वर, माइतिघर हुँदै सैनिक मञ्च टुँडिखेल पुग्ने छन् ।
