काठमाडौं, ९ फागुन । नेपालमा उत्पादित नेपाली समाग्री तथा सेवाहरु प्रवर्दन गर्ने उद्देश्यले छैटौं मेड इन नेपाल एक्स्पो आयोजना हुने भएको छ । हाम्रो पनि राम्रो पनि भन्ने मुल नाराका साथ आयोजना हुने लागेको एक्स्पो चैत २ गते देखि ४ गतेसम्म भृकुटीमण्डपमा सञ्चालन हुनेछ ।
नेपाली युवा उद्यमी मञ्चले मंगलबार राजधानीमा पत्रकार सम्मेलन गर्दै एक्स्पोसम्बन्धी जानकारी दिएको हो । एक्स्पोमा नेपालमा उत्पादन भएका सानादेखि ठूला सबै सामाग्री प्रदर्शनीमा राखिने छ । नेपाली युवा उद्यमी मञ्चका अध्यक्ष सुर्दशन बस्नेतले नेपाली वस्तु प्रवद्र्धन गर्न सके अर्थतन्त्रमा सहयोग पुन्ने विश्वास लिएको बताए ।
बस्नेतले आगमाी दिनमा नेपालमा उत्पादन भएका नेपाली सामाग्री विदेश निर्यात गर्ने योजना रहेको बताए । तीन दिनसम्म सञ्चालन हुने प्रदर्शनीमा निशुल्क प्रवेश रहेको छ । प्रदर्शनीमा देशभरीका ठाउँका पहिचान बोकेका वस्तु र सेवाहरु राखिने छन् । प्रदर्शनीमा एक सय ५० भन्दा बढी स्वदेशी प्रदर्शकहरुले भाग लिने छन् ।
