काठमाडौं । एन्फा राष्ट्रिय लिग फुटबलमा आइतबार तीन वटा खेल हुँदैछन्।
एन्फा कम्प्लेक्स मा हुने पहिलो खेलमा जावलाखेल युथ क्लब र काँक्रेबिहार क्लब बीच प्रतिस्पर्धा हुनेछ। सोही मैदानमा हुने दोस्रो खेलमा चित्लाङ एफसी ले एपिएफ क्लब को सामना गर्नेछ।
आइतबार साँझ ६ बजे दशरथ रंगशाला मा हुने खेलमा चर्च ब्वाइज युनाइटेड र फ्रेन्ड्स क्लब आमनेसामने हुनेछन्।
राष्ट्रिय लिगमा शनिबार भएका दुवै खेल बराबरीमा टुंगिएका छन्। शनिबार सातदोबाटो युवा क्लब र नव जनजागृति क्लब तथा न्युरोड टिम (एनआरटी) र श्री भगवती क्लब ले एक–एक गोलको बराबरी खेलेका थिए।
