शुक्रबार काठमाण्डौ – अहिले देशको पूर्वी भेगमा मनसुनी प्रणालीको प्रभाव रहेको छ ।
बाँकी ठाउँमा स्थानीय वायु, पश्चिमी वायु तथा भारतको बिहार आसपास रहेको न्यून चापीय क्षेत्रको आंशिक प्रभाव रहेको मौसम पूर्वानुमान महाशाखाले जनाएको छ ।
बिहान कोशी प्रदेशका थोरै ठाउँहरुमा तथा बाग्मती प्रदेशको पहाडी भू–भागका एक–दुई ठाउँमा मेघगर्जन र चट्याङसहित हल्का पानी परेको छ । दिउँसो कोशी प्रदेशलगायत बाग्मती र गण्डकी प्रदेशका पहाडी भू–भागका थोरै ठाउँहरुमा तथा मधेश प्रदेशसहित देशका बाँकी भू–भागका एक–दुई ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ ।
महाशाखाकाअनुसार आज राति कोशी प्रदेशलगायत बाग्मती र गण्डकी प्रदेशका पहाडी भू–भागका थोरै ठाउँहरुमा तथा बाँकी भू–भागका एक–दुई ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
