युवा तथा खेलकुदमन्त्री विराजभक्त श्रेष्ठले भलिबलको लागि आवासीय कबर्ड हल बनाउने बताउनुभएको छ ।
शनिवारबाट काठमाडौंमा शुरु भएको आठौं एनभिए महिला तथा पुरुष भलिबल प्रतियोगिताको उद्घाटन गर्दै उहाँले आगामी आर्थिक वर्षमा भलिबलको लागि एउटा आवासीय कबर्ड हल बनाउने विषयमा छलफल भइरहेको बताउनु भएको हो ।
उहाँले कवर्ड हल बन्नेमा आफु आशावादी रहेको भन्दै नेपालमा भलिबल खेलको निकै ठूलो सम्भावना रहेको बताउनु भयो ।
उहाँले अहिले भलिबलको लागि राम्रो कभर्ड हल बनाउन चुनौति रहेको समेत उल्लेख गर्नुभयो
मन्त्री श्रेष्ठले खेल क्षेत्रको विकासका लागि सबै मिलेर लाग्नुपर्नेमा जोड दिनुभयो । ०००
