नेकपा एमालेका उपाध्यक्ष विष्णुप्रसाद पौडेलले पार्टी अध्यक्ष ओलीप्रति काँग्रेसले लगाएको आरोपको लिखित र सार्वजनिक माफी नमागे सुनेर नबस्ने चेतावनी दिनुभएको छ ।
सोमवार प्रधानमन्त्रीको सरकारी निवास बालुवाटारमा बसेको सहकारी प्रकरणबारे संसदीय छानबिन समिति बनाउन निस्कर्षमा पुग्ने भनिएको बैठकपछि एमाले उपाध्यक्ष पौडेलले लिखित र सार्वजनिक माफी माग्नुपर्ने माग गर्नुभएको हो ।
काँग्रेसले एमाले र अध्यक्ष ओलीका बिरुद्धमा टार्गेट गरेर लगाएको अराजनीतिक र पूर्वाग्रही आरोपमा लिखित क्षमा याचना नगरे प्रतिवादमा उत्रिने उहाँले चेतावनी दिनुभयो ।
सरोप लगाउदैं एमाले उपाध्यक्ष पौडेलले प्रतिपक्षी काँग्रेस कुनै सहमति र समस्या समाधानको पक्षमा नरहेको दाबी गनूृभयो ।
असान्दर्भिक, अनुचित, आधारहिन, पूर्वाग्रहपूर्ण आरोपहरु लगाउँदै राष्ट्रिय राजनीतिक परिस्थितिलाई बिथोल्ने काममा नेपाली काँग्रेस लागेको उहाँको भनाइ छ ।
काँग्रेसले भने सत्तापक्ष सहकारी लगाएको छ । नेपाली काँग्रेसका सांसद जीवन परियारले प्रचण्ड सहकारी प्रकरणमा संसदीय छानबिन समिति बनाउन सकारात्मक भएपनि सत्तापक्षका अन्य राजनीतिक दलहरु गम्भीर नभएको बताउनु भयो ।
सही ढंगबाट छानबिन हुनुपर्ने काँग्रेसको माग रहेको बताउनु भयो ।
उहाँले सत्ता पक्षले प्रश्तावमा सकारात्मक छाँै भन्ने तर गलत व्याख्या गर्ने गरेको दाबी गर्नुभयो । ०००
