गठबन्धन सरकारको अकर्मण्यता, अयोग्यताले देश छियाछिया भयोः विष्णु पौडेल

काठमाडौं, २२ माघ ||
नेकपा एमालेका अध्यक्ष विष्णु पौडेलले गठबन्धन सरकारको अकर्मण्यता, अयोग्यता, सत्ता लिप्सा र संकीर्ण स्वार्थले देश छियाछिया भएको बताउनुभएको छ । सोमवार प्रेस चौतारी नेपालको २६ औं वार्षिकोत्सवलाई सम्बोधन गर्दै उहाँले यस्तो बताउनुभएको हो । उहाँले अहिलेको मुलुकको परिस्थिति कहाली लाग्दो रहेको बताउनु भयो । उहाँले देशको अहिलेको स्थिति मल्टी अर्गन फेलियर रहेको बताउनु भयो । उहाँले देशलाई यो ठाउँमा ल्याइपु¥याउने काम अहिलेको गठबन्धन सरकारले गरेको आरोप लगाउनु भयो । उहाँले शिक्षा, स्वास्थ्य, श्रम रोजगार, अन्तर्राष्ट्रिय श्रम बजार, अर्थतन्त्र, सुशासन, कृषि, पर्यटन कतै पनि चित्त बुझाउने अवस्था नरहेको बताउनु भयो । उहाँले प्रतिपक्षका जायज आवाज सुन्ने खालको अभ्यास हुनुपर्ने भएपनि अहिलेको सरकार प्रतिपक्षप्रति पूर्वाग्रही दृष्टिकोणका साथ व्यवहार गरिरहेको बताउनु भयो । उहाँले प्रतिपक्षका आवाज किनारा लगाउने काममा सरकार उद्धत रहेको बताउनु भयो । उहाँले पार्टीको सदनमा प्रश्तुती झनै सशक्त हुने बताउनु भयो । उहाँले सदनको दबाबले मात्रै सत्ताका ज्यादतीहरुलाई ठेगान लगाउन सकिँदैन की भन्ने अनुभुति भइरहेकाले सबै वर्गका समुदायलाई साथमा लिएर सडकबाट पनि सशक्त दबाब सिर्जना गर्नुपर्ने परिस्थिति बनिरहेको बताउनु भयो ।
उपाध्यक्ष पौडेलले देशको अर्थतन्त्र कहालीलाग्दो अवस्थामा रहेको बताउनु भयो । प्रधानमन्त्री र अर्थमन्त्रीका भनाइहरु नै बाझिरहेको बताउनु भयो । उहाँले सरकारले अर्थतन्त्रका समस्या र समाधानमा अलमलमा रहेको बताउनु भयो । उहाँले अहिले साधारण खर्च धान्नसक्ने गरी राजश्व परिचालन हुन नसकेको बताउनु भयो । पुँजीगत खर्चको अवस्था चिन्ताजनक रहेको बताउनु भयो । उपाध्यक्ष पौडेलले वर्तमान सरकारले मुलुकले अर्थतन्त्रमा व्यहोरेका समस्या समाधानको ल्याकत नराख्ने बताउनु भयो । उहाँले सरकारको ज्यादतीका बिरुद्धमा सशक्त जनदबाब अहिलेको आवश्यकता बनेको र केही समयपछि जनताका माझमा सशक्त जनदबाब श्रृष्टि गर्ने हिसावले जाने बताउनु भयो ।