काठमाडौं,१५ पुस । काठमाडौंको चाबहिलबाट ४ जना पक्राउ परेका छन् । रसुवा घर भई चाबहिलमा बस्दै आएका एक व्यक्तिलाई गत मंसिर १० गते अपहरण गरेको आरोपमा ४ जनालाई प्रहरीले पक्राउ गरेको हो ।
प्रहरीका अनुसार हिस्सीछायाँ तामाङ अपहरणमा परेका हुन् । ४ जनाले तामाङलाई अपहरण गरेर बौद्ध हुँदै जंगलमा लगेर फिरौती रकम लिएर छाडेको बताइएको छ ।
आरोपीहरुले साढे १३ लाख फिरौती लिएको जिल्ला प्रहरी परिसर काठमाडौंले जनाएको छ ।
