काठमाडौं, २१ मंसिर । पशुपतिनाथ मन्दिर परिसर र आसपासका विभिन्न क्षेत्रमा बालचर्तुदशी पर्वलाई मध्यनजर गर्दै आजदेखि मासुजन्य सामाग्री विक्रि वितरणमा रोक लगाइएको छ ।
जिल्ला प्रशासन कार्यालय काठमाडौंले एक सुचना जारी गर्दै एक साता सो क्षेत्रमा मासु तथा मदिरा उत्पादन, बिक्रि, ओसारपोसार, भण्डारण र सेवन नगर्न निर्देशन दिएको हो ।
काठमाडौं प्रशासनले गौशला मिबपार्क सडकदेखि पुर्व,पशुपति क्षेत्रको पुर्व सिमानादेखि पश्चिम तिलगंगा चक्रपथदेखि उत्तर, मित्रपार्क–उमाकाण्ड–गौरीघाट हुँदै गृहेश्वरीदेखि दक्षिणभित्रका सबै भागमा यो नियम लागु गरेको हो ।
यी क्षेत्रमा आगामी मंसिर २७ गतेसम्म यो नियम लागु हुनेछ ।
यो सुचनाको विरुद्ध कसैले काम गरे प्रचलित कानुन बमोजिम कारबाही हुने पनि काठमाडौं प्रशानसले चेतावनी दिएको छ ।