इन्डोनेसिया, १६ कात्तिक । इन्डोनेसियाको टिमोरमा बिहीबार भूकम्पको धक्का महसुस गरिएको छ । यस भूकम्पको तीव्रता ६ दशमलव ४ मापन गरिएको थियो ।
युरोपेली भूमध्य क्षेत्रीय भूकम्प मापन केन्द्रले दिएको जानकारी अनुसार भूकम्पको केन्द्रविन्दु सतहबाट करिब १० किलोमिटर गहिराइमा रहेको अन्तर्राष्ट्रिय सञ्चार माध्यमहरुले जनाएका छन् ।
भूकम्पको केन्द्रविन्दु नजिकका क्षेत्रमा हल्का धक्का महसुस गरिएको थियो भने टिमोर क्षेत्र र तिमोर–लेस्टेका अन्य ठाउँमा हल्का धक्का महसुस गरिएको थियो ।
प्राप्त जानकारी अनुसार हालसम्म भूकम्पबाट कुनै मानवीय क्षतिको खबर प्राप्त भएको छैन ।
