एजेन्सी, १ असोज । भाजपा नेता अतुल दीक्षित कारमा चढेको भिडियो आइतबार राति इन्टरनेट मिडियामा भाइरल भयो । गाडी हटाउने विषयमा एक महिला र केही व्यक्तिबीच झगडा भएको थियो । विवादका क्रममा बीजेपी नेताले महिला र अर्का युवकलाई दुर्व्यवहार गरेको आरोप छ । गाली गर्न थालेपछि महिलाले नेतालाई निर्मम कुटपिट गरिन् ।
अबेर राति यो घटनाको भिडियो इन्टरनेट मिडियामा भाइरल भयो। त्यसपछि मानिसहरुले विभिन्न खालका टिप्पणी गर्न थाले । भिडियोमा इनोभा कारमा सवार भाजपा नेता अतुल दीक्षित पूर्व पार्षद देखिन्छन् । उनको गाडीमा पार्टीको झण्डा पनि राखिएको छ । उनी कारमा बसिरहेका थिए र कार चलाउने विषयमा एक महिला र एक युवकसँग झगडा भएको थियो । झगडाका क्रममा अतुल गाडीबाट बाहिर निस्केपछि दुई पक्षबीच हानाहान भएको थियो ।
दुवैले अतुल दीक्षितले रक्सी खाएर दुव्र्यवहार गरेको आरोप लगाएका छन् । युवकले भिडियो बनाउन थालेपछि उनको मोबाइल पनि खोस्ने प्रयास गरेका थिए । यो देखेर आक्रोशित महिलाले उनलाई कुटपिट गर्न थालिन् । भिडियो कहिलेको हो भन्ने बारे कुनै जानकारी छैन।
