काठमाडौं, १७ भदौ। मेचीनगर–६ काँकरभिट्टा निवासी मञ्जु घिमिरेको छोरा निकित घिमिरेलाई उपचारको लागि युएईमा रहेका नेपालीहरुले आर्थिक सहयोग गरेका छन् । युएईमा कामको शिलसिलामा रहेका काँकरभिट्टाका सन्तोष थलङ (सानु), युवराज थापा, मदन मगर लगायत “KVT Charity Helping Hands” मा आबद्व व्यक्तिहरुले आर्थिक सहयोग गरेका हुन् । सो रकम काँकरभिट्टा निवासी राजेश गुरुङ्गले निकितको आमा मञ्जु घिमिरेलाई ९२ हजार प्रदान गरेका हुन् ।
गुरुङ्गका अनुसार मञ्जु घिमिरेले बिर्तामोडको बिएनसी अस्पतालबाट आफ्नो नानी बचाईदिन कारुणिक अपिल भिडियोमा देखेपछि काँकरभिट्टाकै युएईमा कार्यरत युवा हरुले ““KVT Charity Helping Hands” द्वारा सो रकम पठाएका हुन् । उनले भने,“आज केहि थप उपचारको लागि भएपनि सहयोग गर्न पाएकोमा खुशी लागेको छ र ति नानी चाँडै निको हुन सकेको खबर सुन्न सकौं ।”
बिर्तामोडको बिएनसी अस्पतालबाट मञ्जु घिमिरेले आफ्नो बच्चा बचाइदिन कारुणिक अपिल गरेकी थिइन् । नानीको उपचार यहाँ हुन नसक्ने भएपछि तुरुन्त काठमाडौ कान्ति बाल अस्पतालमा लानुपर्ने छ । प्लेन खर्च र बिएनसी अस्पतालमा नै दुई लाख भन्दाबढी रकम तिर्नुपर्ने र तुरुन्तै चाहिएको छ । चाँडो सफल उपचारको लागि आर्थिक सहयोगको घिमिरेले अपिल गरेकी हुन् ।
मञ्जु घिमिरेकी मामाको अनुसार नानीलाई ज्वरो आएर निमोनिया भएर फोक्सोमा कफ जमेको र कफ पगालेर फाल्दा–फाल्दै फोक्सोको मुल नलीमा खकार जमेको त्यो निकाल्न बच्चाको मिसिन चाहिन्छ यहाँ बिएनसीमा त्यसको सम्भव छैन भनी डाक्टरले सल्लाह दिएका हुन् । हिजै काठमाडौंको कान्ति बाल अस्पतालमा लानुपर्ने तर आर्थिक अवस्था कमजोर भएकाले लान सकिएको छैन । नानीको नाजुक भइसकेकाले सबैलाई सहयोगको आशाकासाथ बिनम्र अनुरोध गरिएको हो ।
