काठमाडौं, १७ भदौ । काठमाडौंको पेप्सीकोला–काँडाघारी सडकखण्डमा एक साथ चार सवारी साधन जुधेका छन् । मिनी बसले बोलेरो, मोटरसाइकल र स्कुटरलाई पौने ८ बजेतिर ठक्कर दिएको प्रहरीले जनाएको छ ।
काँडाघारी प्रहरीको अनुसार सडकमा गुडिरहेको बा ३ ख ४८४८ नम्बरको बसले विपरीत दिशामा रहेका बा ६ च ५३४२ नम्बरको बोलेरो जिप, बागमती प्र ०२–०४१ प ४८३८ नम्बरको मोटरसाइकल र बागमती प्रदेश ०२–०३७ प ५३११ नम्बरको स्कुटरलाई ठक्कर दिएको हो ।
दुर्घटनामा परेका घाइतेहरूको सिभिल अस्पताल र मदरल्याण्ड अस्पतालमा उपचार भइरहेको प्रहरीले जनाएको छ । एकसाथ चार सवारी साधन जुधेर भएको ठुलो दुर्घटनाको क्षतिको एकिन विवरण आउन बाँकी छ ।
