काठमाडौं । सप्तकोशी नदीको बहाव उच्च रहेपछि ब्यारेजका सबै ढोका खोलिएको छ ।
कोशीको पानीको बहाव बढेसँगै ५६ वटै ढोका खोलिएको बताइएको छ । आज बिहानैबाट देशभर परेको अविरल वर्षाका कारण नदीहरुको सतह बढेका छन् ।
नदी तटिए क्षेत्रका बासिन्दाहरुलाई उच्च सतर्कता अपनाउन अनुरोध गरिएको छ । हाल कोशी, मधेश, बागमती, लुम्बिनी र गण्डकी प्रदेशमा सामान्य देखि पूर्ण बदली रहि बाँकी प्रदेशमा आंशिक देखि सामान्य बदली रहेको छ ।
कोशी, मधेश, बागमती र गण्डकी प्रदेशका केहि स्थानहरुमा साथै लुम्बिनी र कर्णाली प्रदेशका एक दुई स्थानमा हल्का देखि मध्यम वर्षा भइरहेको छ ।
