काठमाडौं, ७ भदौ । नेपाली कांग्रेसका नेता प्रकाशमान सिंहले काम गर्ने र गरिखाने वातावरण बनाउन पार्टीले ध्यान दिनुपर्ने बताएका छन् । आज नेपाली कांग्रेस काठमाडौ क्षेत्र नम्बर ३ मा आयोजित एक कार्यक्रममा बोल्दै नेता सिंहले यस्तो बताएका हुन् ।
पार्टीभित्र अन्यायमा परेको आवाज उठिरहेको छ भन्दै नेता सिंहले सबैलाई समान अवसर प्रदान गरी व्यवस्थापन गर्नुपर्ने उनले जोड दिए ।
नेता सिंहको आर्थिक क्रान्तिको बेला भएकाले पार्टी र सरकारले त्यसैअनुसारको योजना तथा कार्यक्रम लिएर जनतामाझ जानुपर्ने भनाई छ ।
राजनीतिक रुपमा धेरै उपलब्धि हासिल भएको भन्दै अब आर्थिक क्रान्ति र समतामूलक विकास मूल एजेन्डा हुनुपर्ने उनले बताए ।
