काठमाडौं,२९ साउन । हस्तरेखा शास्त्रका अनुसार केही रेखाहरू पढेर व्यक्तिको भाग्य थाहा पाउन सकिन्छ । त्यसैगरी नाडीको रेखामा भएका व्यक्तिको भाग्यको बारेमा पनि धेरै कुरा थाहा हुन्छ । सामान्यतया एक व्यक्तिको नाडीमा दुई देखि तीनवटा ब्रेसलेट रेखाहरू हुन्छन्। हस्तरेखा शास्त्रका अनुसार यो रेखा जति लामो हुन्छ, उति नै मानिस बाँच्छ ।
हस्तरेखा शास्त्रका अनुसार नाडीको पहिलो रेखाले राम्रो स्वास्थ्य र दीर्घायुको संकेत गर्छ तर यदि यो रेखा बीचबाट टुट्यो भने त्यस्ता व्यक्तिको जीवनमा धेरै समस्या आउने गर्दछ । यस्ता व्यक्तिको सपना पूरा नहुने जनविश्वास छ ।
यदि नाडीको दोस्रो रेखा बलियो र स्पष्ट देखिने छ भने, व्यक्तिले जीवनमा धेरै धन कमाउँछ। उनलाई धनको कुनै कमी हुँदैन, तर यदि यो रेखा हल्का वा पातलो छ भने उसले जीवनमा धनसँग सम्बन्धित समस्याहरूको सामना गर्नुपर्ने हुन्छ।
नाडीको तेस्रो रेखाले ५५ देखि ६० वर्षपछिको आयुलाई हाइलाइट गर्छ। हस्तरेखा शास्त्रका अनुसार नाडीको बलियो तेस्रो रेखाको अर्थ मानिसलाई बुढेसकालमा धन र स्वास्थ्य लाभ हुन्छ। तर भाँचिएको रेखा भनेको बुढेसकालमा व्यक्तिले स्वास्थ्य र आर्थिक चुनौतीहरूको सामना गर्नुपर्ने हुन्छ।
नाडीमा रहेको चौथो रेखा मानिसको हातमा कमै पाइन्छ तर हातमा यो रेखा हुनेहरुको आयु पनि लामो हुन्छ । यी व्यक्तिहरूले आफ्नो प्रतिभाले सबैलाई आकर्षित गर्छन्। यसका साथै यी व्यक्तिहरूको पारिवारिक पृष्ठभूमि पनि निकै बलियो हुन्छ ।
