काठमाडौं, २८ साउन । प्रमुख प्रतिपक्षी नेकपा (एमाले)का अध्यक्ष केपी शर्मा ओलीले नेपालमा दैनिक किलो÷किलो अवैध सुन भित्रिरहेको दाबी गरेका छन् ।
पार्टी केन्द्रीय कार्यालय च्यासलमा आइतबार आयोजित पत्रकार सम्मेलनमा ओलीले भने,“दिनकै सय किलो सुन विभिन्न भन्सारबाट अवैध तरिकाले नेपाल भित्रिरहेको छ ।”
ब्रेक सु छोएपनि सुन, सिगरेट छोएपनि सुन, मोटर छोएपनि सुन हुने भन्दै ओलीले आइटम/आइटमका सुन नेपाल भित्रिने गरेको आरोप लगाए । कैयौं भन्सारमा चेकजाँच नै नहुने दाबी गर्दै ओलीले सोही कारण कम राजश्व उठेको उनको भनाई थियो ।
