काठमाडौं । कुटपिटमा संलग्न रहेको आरोपमा एक जना युवतीलाई प्रहरीले पक्राउ गरेको छ ।
सामाजिक सञ्जालमार्फत सार्वजनिक भएको एक भिडियोका आधारमा प्रहरीले १९ वर्षीया प्रीति लिम्बूलाई आइतबार राति पक्राउ गरेको हो ।
सुनसरीको बराहक्षेत्र नगरपालिका— १० मा युवतीहरूबीच कुटपिट भएको भिडिओ सामाजिक सञ्जालमा सार्वजनिक भएको थियो । कुटपिटमा संलग्न अन्य ४ जनाको खोजी भइरहेको प्रहरीले जनाएको छ । उक्त भिडियोमा सप्तकोसी नदी किनारमा युवतीहरूबीच कुटाकुट भएको देखिन्छ । ५ जना युवतीको समूहले ३ जना युवतीमाथि कुटपिट गरेका थिए ।
१९ वर्षीया मनिषा राई, नाम नखुलेका १६ र १७ वर्षीया नाबालिगमाथि कुटपिट भएको प्रहरीले जनाएको छ । कुटपिट घटना गत असार २९ गतेको भएको बुझिएको छ ।
