काठमाडौं, १३ असार । पशुपतिनाथ मन्दिरको शिवलिङ्गबाट निकालिएको जलहरी आज अपरान्ह पुनस्र्थापित गरिने भएको छ । गत आइतबार अख्तियारसहितको टोलीले तौल लिनका लागि जलहरी निकालेको हो ।
अख्तियारसहित पुरातत्व, गुणस्तर तथा नापतौल विभाग, सुनचाँदी व्यवसायी महासंघ, पशुपति क्षेत्र विकास कोषका पदाधिकारी, जनप्रतिनिधिसहित २७ जनाको रोहवरमा २०७८ फागुनमा राखिएको सुनको जलहरी निकालेर नापजाँच गरिएको थियो ।
सुनका ३ वटा रिङ, बासुकी नाग १, जलधारा १,जलहरी ३, नाग ३ सहित ११ पाता सुन निकालेर तौल लिइएको थियो । कल तौल १०६.४३२५ किलो रहेको बताइएको छ ।