एलवी मगर, ५ वैशाख मोरङ ।
रोल्पा, बैशाख ५ । नेकपा एमाले स्थायी कमिटी सदस्य तथा पूर्व सूचना तथा सञ्चार मन्त्री शंकर पोख्रेलले मधेशी मोर्चा पनि अन्त्यमा स्थानीय निर्वाचनकै पक्षमा आउने बताउनुभएको छ ।प्रेस चौतारी नेपाल रोल्पाले आज लिबाङमा गरेको पत्रकार भेटघाट कार्यक्रममा नेता पोख्रेलले यस्तो बताउनुभएको हो । स्थानीय निर्वाचनका लागि मधेशी दलहरुले विरोध गरेपनि मधेशका जनता निर्वाचन छिटो गर्न चाहिरहेको उल्लेख गर्दै उहाँले मधेश दलहरु पनि निर्वाचनमा आउने विश्वास व्यक्त गर्नुभयो ।
२०७० सालको संविधान सभाको निर्वाचन बहिष्कार गरेको मोहन वैद्य नेतृत्वको नेकपा माओवादी पार्टी पनि अहिलेको स्थानीय निर्वाचनमा आउन लागेको उदारहण दिदैं निर्वाचनमा सहभागि हुनुको विकल्प नभएको समेत उहाँले प्रष्ट पार्नुभयो । जनताले निर्वाचन चाहेकाले सरकारले तोकिएकै समयमा निर्वाचन गराउन खुट्टा कमाउन नहुने बताउनुभयो । अर्काे प्रशङ्गमा एमाले नेता पोख्रेलले सरकारले अनावश्यक रुपमा संविधान संशोधनको प्रस्ताव दर्ता गरी लामो समय राजनीतिक बहसमा खेर फाल्ने काम गरेको बताउनुभयो ।
