काठमाडौं, ५ जेठ । दाङको देउखुरीमा यात्रुबाहक बस दुर्घटना भएको छ । शुक्रबार बिहान २ वटा बस एकापसमा ठोक्किदा एक जनाको मृत्यु भएको प्रहरीले जनाएको छ । दुर्घटनामा परी २३ जना घाइते भएका छन् ।
दुर्घटनामा परेर रोल्पा रुन्टीगढी ९ की शोभा परियारको मृत्यु भएको छ । उनका २ छोरासमेत घाइते भएका छन् ।
लु २ ख ७८५ नम्बरको बस र वीरगन्जबाट दाङको तुलसीपुरतर्फ आउँदै गरेको ना ५ ४८९८ नम्बरको बस लमही ३ मा ठोक्किएको हो ।
घाइतेहरुलाई उपचारका लागि लमही पठाइएको प्रहरीले जनाएको छ ।
