काठमाडौं । संस्कृति, पर्यटन तथा नागरिक उड्डयनमन्त्री सुदन किराँतीले नक्कली भूटानी शरणार्थी प्रकरणका कारण सरकार नढल्ने बताउनुभएको छ ।
बुधवार नयाँ बानेश्वरस्थित संघीय संसद भवनमा सञ्चारकर्मीहरुसँग कुराकानी गर्दै मन्त्री किराँतीले नक्कली भूटानी शरणार्थी प्रकरणका कारण सरकार नढल्ने बताउनुभएको हो । उहाँले सरकारले भ्रष्टाचार बिरुद्धको अभियान सुरु गरेको भन्दै यो अभियान नरोकिने स्पष्ट पार्नुभयो ।
उहाँले भ्रष्टाचार बिरुद्धको अभिायानलाई पूर्णबिराम लगाउनेउपर प्रश्न उठ्ने भन्दै सरकारले दुधको दुध पानीको पानी भएर आफ्नो भुमिका देखाउने बताउनुभयो । भ्रष्टाचार बिरुद्धको अभियानबाट भागेर सरकार ढाल्नु सम्भव नभएको बताउनुभयो ।
मन्त्री किराँतीले पशुपतिमा निःशुल्क शव जलाउने प्रक्रिया अगाडी बढाएको बताउनु भयो ।
