एजेन्सी, ५ चैत्र । तोशाखाना मुद्दामा पाकिस्तानका पूर्वप्रधानमन्त्री इमरान खानविरुद्ध जारी गरिएको पक्राउ पूर्जी रद्द गरिएको छ । इमरान पेसका लागि शनिबार इस्लामावाद अदालत पुगेका थिए । यस क्रममा उनका समर्थकहरुले अदालतबाहिर हलाह मच्चाएपछि अतिरिक्त जिल्ला तथा सत्र न्यायाधीश जफर इकबालले पूर्वप्रधानमन्त्रीलाई आफ्नो उपस्थिति रेकर्ड गरेर फर्किन अनुमति दिएका थिए ।
अदालतले मुद्दाको सुनुवाई मार्च ३० सम्मका लागि स्थगित गरेको छ र इमरानविरुद्ध जारी गरिएको गिरफ्तारी वारेन्ट पनि रद्द गरेको छ । न्यायाधीशले यस्तो वातावरणमा सुनुवाइ गर्न सम्भव नहुने बताए । अदालतले इमरानलाई अर्को सुनुवाईमा व्यक्तिगत रूपमा अदालतमा उपस्थित हुन आदेश दिएको छ ।
प्रहरीले अदालत परिसर बाहिर इमरानका समर्थकहरूलाई नियन्त्रण गर्न अश्रु ग्यास प्रयोग गरेको डनले रिपोर्ट गरेको छ। त्यसको प्रभाव अदालतमा पनि परेको थियो । सोही क्रममा अदालत परिसरको झ्यालमा ढुंगा प्रहार भएको थियो ।
अर्कोतर्फ इमरान खानले अडियो सन्देशमा भनेका छन्, ‘म १५ मिनेटदेखि अदालत बाहिर पर्खिरहेको थिएँ, तर उनीहरुले अश्रुग्यास प्रहार गरेका थिए । उनीहरूले म अदालतमा नपुगेको जस्तो देखिन्छ।’
जमान पार्कमा इमरानको घर बाहिर जम्मा भएका पीटीआई कार्यकर्तालाई पञ्जाब प्रहरीले लाठीचार्ज गरेको थियो ।
इमरान खान शनिबार बिहान इस्लामावाद प्रस्थान गरेपछि प्रहरीले उनको जमान पार्कको घरमा छापा मारेको थियो । प्रहरी बुलडोजरले गेट तोडेर इमरानको घरमा प्रवेश गरेको थियो । प्रहरीले करिब साढे दुई घन्टा घर खोजेपछि फर्किएको थियो । इस्लामावाद जानुअघि शनिबार बिहान रोयटर्सलाई दिएको अन्तर्वार्तामा पूर्वप्रधानमन्त्रीले आफ्नो गिरफ्तारीको आशंका व्यक्त गरेका थिए । इमरानले भनेका थिए, ‘यदि म गिरफ्तार हुन्छु भने व्यवस्थापन गर्न समिति बनाएको छु ।’ यद्यपी खानले समितिमा संलग्न व्यक्तिहरुको बारेमा कुनै जानकारी दिएनन् ।
पाकिस्तानको इलेक्ट्रोनिक मिडिया रेगुलेटरी अथोरिटीले इस्लामाबादको न्यायिक कम्प्लेक्समा चलिरहेको हंगामाको मिडिया कभरेजमा प्रतिबन्ध लगाएको छ । प्रहरीले इमरानको पार्टी पाकिस्तान तहरीक–ए–इन्साफ (पीटीआई) का ४० कार्यकर्तालाई हिंसा फैलाएको र कानुनी कारबाहीमा हस्तक्षेप गरेको आरोपमा पक्राउ गरेको छ। उनीहरुलाई लाठीचार्ज पनि गरिएको थियो ।
यहाँ इस्लामाबाद जाने बाटोमा कल्लर कहर नजिकै इमरानको काफिलेका ३ वटा गाडी एक आपसमा ठोक्किएका थिए । तीव्र गतिका कारण दुर्घटना भएको बताइएको छ । यो ठाउँ राजधानीबाट करिब १ सय ३५ किलोमिटर टाढा छ । दुर्घटनामा धेरै मानिस घाइते भएको खबर छ ।
कल्लर कहर नजिकै इमरानको काफिलेका गाडीहरु ठोक्किएका थिए । यो ठाउँ इस्लामाबादबाट करिब १ सय ३५ किलोमिटर टाढा छ। दुर्घटनापछि पूर्वप्रधानमन्त्रीले भने,‘मलाई रोक्ने प्रयास भइरहेको छ । मलाई पक्राउ गर्न चाहन्छन् । यो सबै लन्डन योजना को भाग हो। नवाज शरीफको माग इमरानलाई जेल हाल्नु पर्छ । उहाँहरुले म कुनै पनि चुनावमा भाग लिन चाहनुहुन्न । म कानुनमा विश्वास गर्छु, त्यसैले अदालतमा हाजिर हुदैछु ।’
इस्लामावादमा कडा सुरक्षा व्यवस्था गरिएको थियो। प्रहरीले सहरमा धारा १४४ लगाएको थियो । सुरक्षा व्यवस्थाका लागि पाकिस्तानका अन्य सहरबाट करिब एक हजार प्रहरीलाई इस्लामावाद बोलाइएको थियो ।
न्यायिक परिसर नजिकका गार्डलाई पनि हतियार राख्न दिइएन । त्यहाँबाट जाने सबैको परिचयपत्र पनि जाँच गरिएको थियो । यसबाहेक प्रहरीले उक्त क्षेत्रमा कन्टेनर पनि राखेको थियो ।
