काठमाडौं । गायिका समीक्षा अधिकारी यतिबेला अष्ट्रेलियामा छिन् । केहि दिन अघि त्रिभुवन अन्तर्राष्ट्रिय विमानस्थलबाट विदाई गरिएको उनको टिकटकले कतै समिक्षा अष्टे«लिया पलायन त भइनन् ? भन्ने भान उनका फ्यानहरुमा परेको थियो ।
तर, त्यसो होइन् समीक्षा सांगितिक भ्रमणका लागि अष्ट्रेलिया पुगेकी हुन् । शनिबार हुने रकडेल होली मेलामा उनले गीत गाउनेछन् ।
यसबारे समीक्षाले सामाजिक सञ्जाल मार्फत जानकारी दिएकी छन् । ‘जिन्दगीको खेललाई सजिलै नकार्न कहाँ सकिन्छ र ? तर पनि दुःख अनि सुखलाई आत्मसात गर्दै अष्ट्रेलियाको यात्रामा छु। रकडेल होलि मेलामा हजुरहरुसँगै होलि मनाउनको लागि म पनि आउँदैछु । अनि हजुरहरु पनि आउनु है त,’ उनले लेखेकी छन् ।
समिक्षाले अष्ट्रेलिया पुगेपछि सामाजिक सञ्जालमा थुप्रै तस्विर समेत सार्वजनिक गरिसकेकी छन् ।
