काठमाडौं । नेपाली कांग्रेसका महामन्त्री गगन थापाले अपमानित भएर पोखरा पुगेको बताएका छन् ।
पार्टी सभापति शेरबहादुर देउवाले नयाँ सरकारको गठन बारे पार्टीभित्र छलफल नगर्दा आफु अपमानित भएको बताएका हुन् ।
पोखरामा जारी नेपाल साहित्य सम्मेलनमा बोल्दै थापाले भने,‘म निर्वाचित महामन्त्री र सांसद पनि हुुँ । सभापतिले पार्टीभत्र छलफल गरेर गठबन्धनमा जवाफ दिन्छु भनेपनि फोन कुरेर बसे तर उहाँको फोन आएन अनि पोखरा आए ।’ महामन्त्री थापाले कांग्रेस ९९ मा पुगेर तल झरेको टिप्पणी गरे ।
पुष्पकमल दाहाल प्रचण्ड नेकपा एमालेसहित सात दल र तीन स्वतन्त्र सांसद गरी १ सय ६९ जनाको समर्थनमा देशको ४४औं प्रधानमन्त्रीमा नियुक्त भएका छन् ।
उनलाई आज राष्ट्रपति विद्यादेवी भण्डारीले साझ ४ बजे शपथ खुवाउने कार्यक्रम रहेको छ ।