काठमाडौँ, २३ मंसिर । प्रतिनिधिसभा र प्रदेशसभा सदस्यको मंसिर १० र २१ गते भएको निर्वाचनको हालसम्म प्रतिनिधिसभातर्फ ३४ र प्रदेशसभातर्फ ५६ निर्वाचन क्षेत्रको नतिजा सार्वजनिक भएको छ ।
निर्वाचन आयोगबाट प्राप्त जानकारीअनुसार प्रतिनिधिसभातर्फ एक महिलासहित ३४ जना उम्मेदवार विजयी भएका छन् । त्यसैगरी प्रदेशसभातर्फ दुई महिलासहित ५६ जना प्रदेशसभा सदस्यमा निर्वाचित भएका छन् ।
प्रतिनिधिसभा
प्राप्त पछिल्लो विवरणअनुसार, हालसम्म प्रतिनिधिसभातर्फ एमालेले २५, माओवादी केन्द्रले ११ र नेपाली काँग्रेसका ६ जना उम्मेदवार विजयी छन्। हुम्लाबाट स्वतन्त्र उम्मेदवार छक्कबहादुर लामा प्रतिनिधिसभा सदस्यमा विजयी भएका छन् ।
प्रदेशसभा
आयोगका अनुसार प्रदेशसभा सदस्यतर्फ एमालेका २८, माओवादी केन्द्रका १९, काँग्रेसका ७, राष्ट्रिय जनमोर्चाका दुई, नयाँ शक्ति पार्टीको एक तथा एकजना स्वतन्त्र उम्मेदवार विजयी भएका छन् ।
