गौशाला, १९ मंसिर । महोत्तरी जिल्लाको बलवा नगरपालिका-३ स्थित पडौल धर्मशालामा सोमबार ५२ वर्षीय चन्दर मण्डलको शव फेला परेको छ ।
जिल्ला प्रहरी कार्यालय महोत्तरीका प्रहरी उपरीक्षक कुबेर कडायतका अनुसार बलवा नगरपालिका–३ स्थित पडौल धर्मशालामा जिल्लाको मनरा नगरपालिका–१ बस्ने ५२ वर्षीय चन्दर मण्डलको शव फेला परेको हो ।
घरदेखि करिब १० किलोमिटर टाढा रहेको पडौल धर्मशालामा मण्डल के कति कामले गएको तथा कसरी उनको मृत्यु भएको भन्नेबारे प्रहरीले अनुसन्धान शुरु गरिसकेको प्रहरी उपरीक्षक कडायतले बताए ।
उनको शव परीक्षणका लागि जिल्ला अस्पताल जलेश्वर ल्याइसकिएको छ ।
