काठमाडौं । जोमसोमबाट हराएको जहाज खोजी गर्न गएको फिस्टेल एयरको हेलिकप्टर मौसम प्रतिकुलको कारण फिर्ता भएको छ । पोखराबाट जोमसोमका लागि उडेको तारा एयरको जहाजसम्पर्कविहिन भएपछि खोजीको लागि गएको फिस्टेल एयरको हेलिकप्टर जोमसोमबाट पठाईएको थियो तर प्रतिकुल मौसमको कारण हेलिकप्टर पुन जोमसोम नै फर्किएको हो ।
काठमाडौं पोखरा तथा जोमसोम विमानस्थलमा खोज तथा उद्धार कार्यको लागि थप हेलिकप्टरहरु तयारी अवस्थामा राखिएको खोज तथा उद्धार समन्वय केन्द्र नेपाल नागरिक उड्डयन प्राधिकरणले जनाएको छ । मौसममा सुधार आउनासाथ हवाईमार्गमार्फत खोज कार्य पुनः शुरु गरिने प्राधिकरणले जनाएको छ । स्थलमार्गबाट खोजी कार्य गर्न नेपाली सेना र नेपाल प्रहरी समेत त्यस तर्फ प्रस्थान गरिसकेको प्राधिकरणको भनाइ छ । पोखराबाट बिहान ९बजेर ५५ बजे जोमसोमको लागि १९ जना यात्रु र ३ जना चालक दलका सदस्य सहित उडेको तारा एयर सम्पर्कविहिन भएको थियो ।
