चितवन, ३ मंसिर । नेकपा (माओवादी केन्द्र) का अध्यक्ष पुष्पकमल दाहालका एक्ला छोरा प्रकाश दाहालको निधन भएको छ। दाहालको निधनबारे खबर बाहिरिएसँगै उनकी दिदी रेणु दाहालसहितका आफन्त हेलिकोप्टर मार्फत काठमाडौं पुगेको छन्।
हवाई जहाजबाट नियमित उडान मार्फत काठमाडौं जाने तयारी गरेपनि ढिलाई भएपछि भरतपुर महानगरपालिकाकी मेयर समेत रहेकी रेणु दाहालसहितका आफन्त हेलिकोप्टर मार्फत काठमाडौं गएका हुन्। अन्य आफन्त र पार्टीका नेता तथा कार्यकर्ताहरु काठमाडौं जानका लागि भरतपुर विमानस्थलमा जम्मा भएका छन्। दाहाल परिवार चितवन निवासी हुन्।
