कञ्चनपुर । उर्जामन्त्री जनार्दश शर्माले सरकारले केही समय भित्रै देशलाई लोडसेडिङ्गमुक्त गर्ने बताउनुभएको छ ।
शनिबार प्रेस सेन्टर नेपाल कञ्चनपुर शाखाले गरेको पत्रकार सम्मेलनमा मन्त्री शर्माले ‘‘नेपालको पानी, जनताको लगानी‘‘को नारा सहित लोडसेडिङ्ग मुक्त गर्ने मुख्य अभियानमा सरकार लागिपरेको बताउनुभयो ।
उहाँले मुलुकभर रहेका सबै जलविद्युत आयोजनालाई पुर्ण क्षमतामा सञ्चालन गर्ने तयारी भैरहेको पनि बताउनुभयो ।
उहाँले सरकार जनमुखी अभियानमा लागेकाले आम नेपालीले साथ दिइरहेको पनि बताउनुभयो ।
मन्त्री शर्माले चमेलिया, पञ्चेश्वर, पश्चिम सेती लगायतका जलविद्युत योजनाको विस्तार भए समग्र सुदुरपश्चिमको विकास हुने बताउँनुभयो ।
अर्को प्रसंगमा मन्त्री शर्माले नयाँ संविधान कार्यान्वयना लागि स्थानीय निर्वाचन अपरिहार्य रहेको बताउनुभयो ।
