काठमाडौँ, २१ कार्तिक । यु–१९ एसिया कप क्रिकेट प्रतियोगितामा सहभागि हुन नेपाली यु–१९ क्रिकेट टोली आज मलेसिया प्रस्थान गर्दैछ । घरेलु टोलीका लागि दिपेन्द्र सिंह ऐरीले कप्तानी सम्हाल्नेछन्। उक्त प्रतियोगिता शनिबारबाट सुरु हुनेछ।
एक साताको विशेष तयारीपछि नेपाली टोली मलेसिया जान लागेको हो । नेपालले बंगलादेशमा बंगलादेशको यु–१९ टोलीसँग ३ अभ्यास खेल खेलेको थियो र अन्तिम खेलमा घरेलु टोलीलाई ६ विकेटले पराजित गरेको थियो । त्यसअघि नेपाल पहिलो अभ्यास खेलमा बंगलादेशसँग ३ विकेट र दोस्रो अभ्यास खेलमा १२३ रनले पराजित भएको थियो ।
नेपालले आगामी शनिबार हुने प्रतियोगिताको पहिलो खेलमा बंगलादेशसँग प्रतिस्पर्धा गर्नेछ। त्यस्तै २६ गते भारतसँग भिड्ने छ र अन्तिम खेलमा मलेसियासँग कार्तिक २८ मा खेल्नेछ । समूहको विजेता र उपविजेताले सेमिफाइनलमा स्थान बनाउनेछन् ।
नेपाली टोली
दिपेन्द्र सिंह ऐरी (कप्तान)
रोहित कुमार पौडेल
सन्दिप लामिछाने
सन्दिप सुनार
प्रनित थापा मगर
अनिल कुमार शाह
पवन शर्राफ
आसिफ शेख
किशोर महतो
शाहब आलम
प्रकाश केसी
कमल सिंह ऐरी
भिम सार्की
राशिद खान
जितेन्द्र सिंह
विनोद दास (प्रशिक्षक)
