काठमाडौं, २२ माघ । नेपालमा पछिल्लो २४ घण्टामा थप १ सय ७१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १ सय ७१ संक्रमित थपिएसंंगै नेपालमा संक्रमितको कुल संख्या २ लाख ७१ हजार ६०२ पुगेको छ ।
उपत्यकामा ७८ जनामा संक्रमण
यसैगरी काठमाडौं उपत्यकामा पछिल्लो २४ घण्टामा थप ७८ जना संक्रमित फेला परेका छन् । जसमा २७ जना महिला र ५१ जना पुरुष रहेका छन् । योसंगै काठमाडौ उपत्यकामा संक्रमितको कुल संख्या १ लाख २७ हजार ०६७ पुगेको छ ।