एजेन्सी, २० असोज । विश्वकप छनोट अन्तगर्त भएको खेलमा इङल्याण्डले स्लोभेनियालाई र जर्मनीले आएरल्याण्डलाई पराजित गर्दै विश्वकपमा आफ्नो स्थान सुरक्षित गरेका छन् । दवै राष्ट्रको एक एक खेल बाँकी हुँदै २०१८ मा हुने रुसी विश्वकपमा स्थान पक्का बनाएका हुन् ।
वेम्ब्ली मैदानमा भएको इङ्ल्याण्ड र स्लोभेनियाबिच भएको खेलमा इङ्ल्याण्डले १-०को अग्रताले जित हात पारेको हो । इङ्ल्याण्डका लागि ह्यारी केनले एक गोल गर्दै जित दिलाएका थिए ।
जर्मनीको घरेलु मैदानमा भएको जमर्नी र आएरल्याण्ड बिचको खेलमा ३-१ को सहज जित हात पारेको थियो । खेलको पहिलो हाफको दोस्रो मिनेटमै जर्मनीका खेलाडी सिबासटियन रुडीले एक गोलको अग्रता दिलाएका थिए । त्यस्तै २१ औँ मिनेटमा स्याण्ड्रो वेन्गर र दोस्रो हाफको ८६ औँ मिनेटमा जोसुवा किम्मीचले गोल गर्दै ३-० को अग्रता दिलाएका थिए । इन्जुरी समयमा जोश म्यागेनिसले १ गोल गर्र्दै आएरल्याण्डलाई सान्त्वना दिलाएका थिए ।
