काठमाडौँ, असोज ५ । प्रदेश नम्बर २ का ८ जिल्लामा असोज २ गते निर्वाचन सम्पन्न भएका स्थानीय तह मध्ये २६ वटा स्थानीय तहको मतगणना सम्पन्न भई परिणाम सार्वजनिक भएको छ ।
मतगणना बाँकी रहेका स्थानीय तहमध्ये एकाध स्थानमा गतिरोध उत्पन्न भएका कारण सर्बदलीय सहमति गरी मतगणना सुचारू गर्ने प्रयास भइरहेको र अन्य सबै स्थानमा मतगणना कार्य शान्तिपूर्णरूपमा जारी रहेको निर्वाचन आयोगले जनाएको छ ।
मतगणना कार्यलाई शीघ्रताका साथ सम्पन्न गर्नका लागि हाल ३३९ वटा मतगणना टोलीबाट मतगणना कार्य भइरहेको छ । त्यस्तै, राजपा नेपालका वडाध्यक्षको उम्मेदवारको निधन भएका कारण स्थगन भएको राजबिराज नगरपलिका वडा नम्वर १५ मा आज शान्तिपूर्णरुपमा मतदान भइरहेको छ ।
अहिलेसम्म विजयी भएका उमेद्वारको नामावली
कांग्रेस
मेयर तथा अध्यक्ष
१. विश्वमोहन यादव, नवराजपुर गाउँपालिका: सिराहा
२. अब्दुल वारिक शेष, जनकनन्दिनी गाउँपालिका: धनुषा
३. ब्रहम देव यादव, औरही गाउँपालिका: धनुषा
४. शेष वकिल, परोहा नगरपालिका: रौतहट
५. रामआश्रे साह, धनकौल गाउँपालिका: सर्लाही
६. परमानन्द यादव, बेल्ही चपेना गाउँपालिका: सप्तरी
७. निलाम्बर यादव, विष्णुपुर गाउँपालिका: सप्तरी
८. भुवनेश्वर धामी, करैयामाई गाउँपालिका: बारा
एमाले
मेयर तथा अध्यक्ष
१. डम्बर बहादुर राउत क्षेत्री, बाटेश्वर गाउँपालिका: धनुषा
२. मनोजकुमार यादव, मुखियापट्टी मुसहरनिया गाउँपालिका: धनुषा
३. हरिनारायण चौधरी, पटेर्वा सुगौली गाउँपालिका: पर्सा
४. उत्तमकुमार शर्मा, सप्तकोसी नगरपालिका : सप्तरी
माओवादी केन्द्र
मेयर तथा अध्यक्ष
१.रिना कुमारी शाह, मौलापुर नगरपालिका: रौतहट
२. ठकु महतो कोइरी, अर्नमा गाउँपालिका: सिराहा
३. गंगा पासवान, कर्जन्हा नगरपालिका: सिराहा
४.सिद्धार्थ यादव ,औरही गाउँपालिका: सिरहा
५. पदम लाल श्रेष्ठ, ठोरी गाउँपालिका: पर्सा
राष्ट्रिय जनता पार्टी नेपाल
मेयर तथा अध्यक्ष
१. रामप्रसाद राय यादव, कौडेना गाउँपालिका: सर्लाही
२. राम ज्ञान मण्डल, मेयर हंशपुर नगरपालिका: धनुषा
३. चन्दन कुमार सिंह, देवताल गाउँपालिका: बारा
४. शिवनारायण साह, डाकनेश्वरी नगरपालिका : सप्तरी
फोरम लोकतान्त्रिक
मेयर तथा अध्यक्ष
१.जवाहर लाल यादव, अध्यक्ष बिष्णु गाउँपालिका: सर्लाही
२. सन्तोष कुमार मेहता, इशनाथ नगरपालिका: रौतहट
संघीय समाजवादी फोरम
मेयर तथा अध्यक्ष
१. जागेश्वर यादव, विष्णुपुर गाउँपालिका: सिराहा
२. बेचनप्रसाद यादव, गवानपुर गाउँपालिका: सिराहा
३. किशुन देव राय, पर्सा गाउँपालिका : सर्लाही
