काठमाडाैं । नेपाली काँग्रेस रुकुम पश्चिमबाट नेपाली काँग्रेसका उम्मेदवार राजु केसीले मतदान गर्नुभएको छ ।
उम्मेदवार केसीले मुसिकोटस्थित त्रिभुवन जनता उच्च माध्यमिक विद्यालयको मतदान केन्द्रबाट पहिलो मत खसाल्दै मतदानको शुभारम्भ गर्नुभएको हो ।
आफ्नो मताधिकार प्रयोग गरेपछि सञ्चारकर्मीहरूसँग संक्षिप्त कुराकानी गर्दै उम्मेदवार केसीले नेपाली काँग्रेसको जित सुनिश्चित भइसकेको दाबी गर्नुभयो । उहाँले सम्पूर्ण मतदाताहरूलाई निर्धक्क भएर आफ्नो मताधिकार प्रयोग गर्न र मतदान प्रक्रियाबाट कोही पनि वञ्चित नहुन हार्दिक आग्रह समेत गर्नुभएको छ ।
बिहानैदेखि मतदान केन्द्रमा मतदाताहरूको बाक्लो उपस्थिति रहेको छ भने सुरक्षा व्यवस्था पनि कडा पारिएको छ । स्थानीय बासिन्दाहरू उत्साहका साथ लाइनमा बसेर आफ्नो पालो पर्खिरहेका छन्।
