काठमाडौं । हाल देशभर सामान्य देखि पूर्ण बदली रहेको छ । बागमती र मधेश प्रदेशका केही स्थानहरूका साथै देशका बाँकी भू–भागका पनि थोरै स्थानहरूमा हल्का देखि मध्यम बर्षा भइरहेको छ ।
आज राती पनि देशभर सामान्य देखि पुर्ण बदली रहने सम्भावना रहेको छ । सुदूरपश्चिम, कर्णाली, लुम्बिनी र गण्डकी प्रदेशका केही तथा बाँकी प्रदेशका थोरै स्थानहरूमा हल्का देखि मध्यम वर्षाको सम्भावना रहेको छ ।
साथै गण्डकी, लुम्बिनी र सुदूरपश्चिम प्रदेशका एक–दुई स्थानमा मेघ गर्जन र चट्याङ्ग सहित भारी वर्षाको पनि सम्भावना रहेको छ । तसर्थ भारी वर्षा, मेघ गर्जन र चट्याङ्ग, गेग्रान बहाव, बाढी, पहिरो तथा भू–क्षयका कारण हुन सक्ने जोखिम वा क्षतिबाट बच्न आवश्यक सतर्कता अपनाउन हुन अनुरोध छ।
