काठमाडौं,२० पुस । आज ५ जनवरी २०२४ शुक्रबार । शुक्रबार सबै राशिका लागि मिश्रित दिन रहेको छ । कतिपय राशिका लागि आजको दिन राम्रो रहनेछ भने कतिपय राशिका लागि दिन उतार चढावले भरिपूर्ण रहनेछ ।
मेष राशि
आजको दिन तपाईको उतार चढावले भरिपूर्ण रहनेछ। तपाई आफैं आफ्नो स्वास्थ्यको बारेमा चिन्तित हुन सक्नुहुन्छ। परिवारमा प्रियजनको बारेमा दुखद समाचार प्राप्त हुनेछ। व्यापारमा ह्रास आउनेछ । व्यापार आदि कार्यमा अवरोध आउनेछ । कुनै पनि व्यक्तिलाई ठूलो रकम ऋण नदिनुहोस्। परिवारका सबैसँग कतै घुम्न जान सकिनेछ। कतिपय विषयमा मतभिन्नता हुन सक्छ । बहसबाट टाढा रहनुहोस्। आफ्नो बोलीमा नियन्त्रण राख्नुहोस्।
वृष राशि
आज तपाईले आफ्नो स्वास्थ्यमा गिरावट महसुस गर्नुहुनेछ। आज तपाई कुनै विशेष विषयलाई लिएर मानसिक रूपमा विचलित रहन सक्नुहुन्छ। व्यापारमा आज कुनै पनि नयाँ काम सुरु नगर्नुहोस्। व्यापारमा ठूलो जोखिम नलिनुहोस्। घरपरिवारमा श्रीमतीसँग मनमुटाव हुन सक्छ। दाजुभाइ वा भतिजासँग कुनै विषयमा विवाद हुनसक्छ ।
मिथुन राशि
तपाईको लागि आजको दिन सामान्य रहनेछ। परिवारमा केही आफन्तको चिन्ता रहनेछ। अत्याधिक कामका कारण शारीरिक थकान र मानसिक चिन्ताले सताउन सक्छ। व्यापारमा घाटा हुन सक्छ । कुनै नयाँ कामको थालनी नगर्नुहोस्। परिवारमा पत्नीसँग मनमुटाव बढ्न सक्छ। विशेष कार्यको लागि आपसी विवादको स्थिति आउन सक्छ।
कर्कट राशि
आजको दिन तपाईको लागि धेरै राम्रो रहनेछ। कुनै विशेष कामको लागि बाहिरी यात्रामा जान सकिनेछ। अदालत पक्षको जित हुनेछ। व्यापार व्यावसायमा आम्दानीका नयाँ स्रोतहरू सिर्जना हुनेछन् । परिवारमा मान सम्मान बढ्नेछ। परिवारको हितमा आज ठूलो निर्णय लिन सकिनेछ।
सिंह राशि
आज तपाई मानसिक रुपमा अलमलमा रहनुहुनेछ । परिवारमा केही समस्याका कारण समस्या बढ्न सक्छ। तर तपाईं आफ्नो कौशलताले यसलाई समाधान गर्न सफल हुनुहुनेछ। स्वास्थ्य राम्रो रहनेछ। व्यापार व्यावसायमा लाभको सम्भावना रहनेछ । नयाँ लगानी गर्न सकिनेछ । परिवारमा शुभ समाचार सुन्न पाइनेछ । मतभिन्नता समाधान हुनेछ र आपसी प्रेम देखिनेछ।
कन्या राशि
आजको दिन सफल रहनेछ । जागिर आदिको लागि प्रयास गर्दै हुनुहुन्छ भने आज सफलता मिल्नेछ । तपाईको स्वास्थ्य राम्रो रहनेछ। तर परिवारमा आमाबुवाको स्वास्थ्य बिग्रन सक्छ। आज तपाईको व्यवसायमा केहि ठूलो आर्थिक सहयोग प्राप्त हुन सक्छ, जसले तपाईको व्यवसायलाई फाइदा पु¥याउनेछ। घरपरिवारमा पुरानो विवाद समाप्त हुनाले रमाइलो वातावरण रहनेछ।
तुला राशि
आज कुनै महत्वपूर्ण काम नहुदा मानसिक तनाब रहन सक्छ । आर्थिक अवस्थाका कारण कसैसँग सहयोग माग्नुपर्ने हुनसक्छ । यस समयमा व्यापारमा पनि ह्रास आउनेछ। साथै परिवारमा कुनै अप्रिय घटना घट्न सक्छ, जसका कारण पारिवारिक वातावरण बिग्रनेछ।
वृश्चिक राशि
अत्याधिक दौडधुपका कारण आज तपाई शारीरिक रुपमा समस्यामा पर्नु हुनेछ । साथै मौसमका कारण स्वास्थ्य बिग्रन सक्छ । आज विशेष व्यक्तिसँग भेटघाटबाट आर्थिक लाभ हुन सक्छ। आज व्यापारमा ठूलो लगानी नगर्नुहोस्। आज तपाईलाई परिवारको बारेमा केहि ठूलो दुविधाको सामना गर्नु पर्नेछ।
धनु राशि
आज तपाईको स्वास्थ्य बिग्रन सक्छ। तपाईं कुनै षड्यन्त्रको शिकार हुन सक्नुहुन्छ। व्यापारमा घाटा बेहोर्नु पर्नेछ । कुनै नयाँ कामको थालनी गर्न चाहनुहुन्छ भने यो समय उपयुक्त छैन । घरपरिवारमा सम्पत्तिको विषयमा विवादको वातावरण रहनेछ । सम्मानमा कमी आएको महसुस हुनेछ । सवारी साधन आदि चलाउँदा सावधानी अपनाउनुहोला । अन्यथा दुर्घटना हुनसक्छ ।
मकर राशि
तपाईको लागि आजको दिन सामान्य रहनेछ। स्वास्थ्यमा लाभको अनुभूति हुनेछ । प्रियजनको बारेमा दुखद समाचार प्राप्त हुनेछ। व्यापारमा घाटा बेहोर्नु पर्नेछ । आज कुनै पनि नयाँ सवारी साधन खरिद नगर्नुहोस्। नयाँ कामको थालनी नगर्नु होला । घरपरिवारमा मनमुटाव भएमा वादविवादबाट टाढा रहनुहोस् र बोलीमा नियन्त्रण राख्नुहोस्।
कुम्भ राशि
आजको दिन तपाईको लागि राम्रो रहनेछ। योजनाबद्ध कार्यहरू सम्पन्न हुनेछन्। विशेष व्यक्तिसँग भेटघाटले व्यापार क्षेत्रमा नयाँ काम गर्न सकिनेछ, जुन लाभदायक हुनेछ। परिवारमा शुभ कार्यको सम्भावना रहनेछ। परिवारमा सबैले सम्मान गर्नेछन्। परिवारसँग लामो यात्रामा जान सकिनेछ। नयाँ घर वा सवारी साधन खरिद गर्न सकिनेछ ।
मीन राशि
आजको दिन केही समस्याले भरिपूर्ण रहनेछ। स्वास्थ्यमा ह्रासको अनुभूति हुनेछ । सुरु गर्न चाहनुहुने कुनै पनि नयाँ काममा अवरोध आउनेछ। प्रियजनको बारेमा दुखद समाचार प्राप्त हुनेछ। व्यापारमा घाटा बेहोर्नु पर्नेछ । घरपरिवारमा श्रीमतीबीच विवाद हुनसक्छ । आफ्नो बोलीमा नियन्त्रण राख्नुहोस् र वादविवादबाट टाढा रहनुहोस्।
