विकासका लागि आधारभुत तत्वहरु बढी भएको प्रदेश सुदूरपश्चिम होः मन्त्री साउद

काठमाडौं, १७ पुस ||
परराष्ट्रमन्त्री नारायणप्रकाश साउदले सात प्रदेशमध्ये सुदूरपश्चिम प्रदेश विकासका लागि चाहिने आधारभुत तत्वहरु बढी भएको स्थान रहेको बताउनुभएको छ । मंगलवार काठमाडौंमा आयोजित दृश्यमा खप्तड श्रृंखला २ को विमोचन कार्यक्रममा उहाँले यस्तो बताउनुभएको हो । उहाँले परिवेश, परिस्थितिको विकाससँगै सुदूरपश्चिममा विकासका सम्भावनाका ढोकाहरु खुलेको बताउनु भयो । उहाँले जलविद्युत उत्पादन, कृषि, सांस्कृतिक सम्पदा र पर्यटन क्षेत्रकालागि सुदूरपश्चिम महत्वपूर्ण रहेको बताउनुभयो । उहाँले पवित्र तीर्थस्थल र सांस्कृतिक विरासतले पनि सुदूरपश्चिम महत्वपूर्ण रहेको बताउनु भयो । मन्त्री साउदले अहिले पनि सुदूपश्चिमलाई आवश्यक विकास गर्न नसकिएको बताउनुभयो ।