एजेन्सी, २७ चैत्र । अमेरिकाको एउटा परिवारमा १ सय ३८ वर्ष ६ पुस्तासम्म कुनै छोरी जन्मिएनन् । जहाँ पछिल्ला ६ पुस्ताले दिदीबहिनी र छोरी देखेनन् । तर सोही परिवारमा अहिले एउटी सानी छोरी जन्मिएपछि अन्तर्राष्ट्रिय समाचार बनेको छ । रोचक कुरा यो परिवारमा १३८ वर्ष कुनै पुस्तामा पनि छोरामात्र जन्मिरहे ।
छोरी जन्माएकी आमाले सामाजिक सञ्जालमा आफ्नो कथा साझा गरेकी छिन् । जुन पोस्ट भाइरल भइरहेको छ । संसारभरका मानिसहरूले यस बच्चालाई स्वागत गरिरहेका छन्। योसँगै मानिसहरु यो परिवारको कथा पनि खोजिरहेका छन् । अमेरिकाको मिशिगनमा बस्ने एन्ड्रयूको परिवारमा सन् १८८५ पछि छोरीहरुको खडेरी परेको थियो । १८८५ मा, परिवारमा अन्तिम पटक छोरीको जन्म भएको थियो।
यो एन्ड्रयू अघि ६ पुस्ता हो। सुरुमा केही वर्षसम्म परिवारले सबै सामान्य पाए । तर दशकौंसम्म छोरी नजन्मिएपछि परिवार अलि चिन्तित भयो । तर जब वर्षौंसम्म परिवारमा छोरी जन्मिएन, एन्ड्र्यू परिवारले आशा त्यागे र यसलाई आफ्नो भाग्यको रूपमा स्वीकार गरे। एन्ड्रयू र उनकी श्रीमती कोरलिनले पनि छोरीको आशा त्यागेका थिए, परिवारको लामो छोरीविहीन इतिहासलाई अघि बढाइरहेको थियो ।
दुवैको ४ वर्षको छोरा छ । यसपटक पनि दुवैले छोराको अपेक्षा गरेका थिए । तर, छोरी भएको थाहा पाएपछि उनीहरुको खुसीको सीमा रहेन । छोरीको जन्म मनाउन, एन्ड्रयू र तिनकी पत्नीले सम्पूर्ण परिवारको लागि भव्य पार्टीको आयोजना गरे । पार्टीमा परिवारका सबै पुरुष र विवाहित महिलाहरुको सहभागिता रहेको थियो ।
यस अमेरिकी परिवारको अनौठो कथा संसारभर पढिरहेको छ । एन्ड्रयू र उनको परिवारको कथामा अमेरिकी मिडियामा धेरै लेखिएको थियो। यसका अनुसार एन्ड्रयूले आफ्नी श्रीमती कोर्लियोनलाई डेट गरिरहँदा उनले कोर्लियोनलाई आफ्नो पारिवारिक इतिहास सुनाए र उनलाई छोरीको आशा नगर्न सल्लाह दिए।
चिकित्सा विज्ञानका अनुसार केटा र केटीको जन्म अनुपात ५०–५० हुन्छ । गर्भमा लिङ्ग निर्धारण गर्दा केटा वा केटी हुने सम्भावना ५० देखि ५० प्रतिशत हुने चिकित्सकहरू बताउँछन् । केही असाधारण अवस्थामा, ट्रान्सजेन्डरहरू जन्मिएका छन्। यस्तो अवस्थामा एउटै परिवारमा ६ पुस्ता र १३८ वर्षसम्म छोरी नहुनुलाई ठूलो संयोग मानिनेछ ।
