काठमाडौ । काठमाडौं उपत्यकामा हालीको दिन मादक पदार्थ सेवन गरी सवारीसाधन चलाउने, हो– हल्ला गर्ने, उच्छ्रिन्खल गतिविधि गर्ने ३४७ जनालाई नियन्त्रणमा लिइएको छ ।
जिल्ला प्रहरी परिसर काठमाण्डौंका अनुसार ३२९ पुरुष र १८ महिलालाई नियन्त्रणमा लिइएको हो । साथै, ट्राफिक नियम उलंघन गर्ने ९० जनालाई कारबाहि गरिएको छ भने ४५४ जनालाई होल्ड गरिएको थियो ।
होली पर्व मानाउन बसन्तपुर एरियामा १ लाखको हाराहरीमा मानिसहरु आवत जावत भएको ट्राफिक प्रहरीको अनुमान छ ।
जिल्ला प्रहरी परिसर काठमाण्डौको होली पर्व शान्त र सभ्य तवरले मनाउनको लागि सुरक्षा योजना तयार गरिए अनुसार ५००० जनपद, ट्राफिक एवम् सादा पोसाकमा, प्रहरी परिचालन गरी काठमाण्डौको शान्ति सुरक्षाको लागि बिभिन्न स्थानमा पैदल गस्ती, चेकिङ्, मोवाइल गस्ती , रिजर्भ टोलीहरु बढाई होली पर्व शान्तिपुर्ण एवम् हर्षौउल्लासका साथ मनाउनको लागि सुरक्षा व्यबस्था मिलाइएको थियो ।
