बैतडी । बैतडीको हिरापुरमा जिप र मोटरसाईकल एक आपसमा ठोक्किँदा पाटन ८ खोड्पे बस्ने २७ वर्षीय योगेश कठायत घाइते भएका छन् । उनलाई उपचारका लागि डडेल्धुरा अस्पताल पठाइएको प्रहरीले जनाएको छ ।
खोड्पेबाट पाटन तर्फ आइरहेको से १ज २१२ नम्बरको जिप र सोही दिशाबाट आइरहेको से ५ प ८२५३ नम्बरको मोटरसाइकल पाटन नगरपालिका ६ हिरापूरमा आपसमा ठोकिएको इलाका प्रहरी कार्यालय पाटनका प्रमुख प्रहरी निरिक्षक राजेश शाहीले बताए ।
