अमेरिकाको केन्द्रीय बैंक फेडरल रिजर्भले लगातार उच्च रहेको मुद्रास्फीतिलाई नियन्त्रण गर्ने उद्देश्यले तीन वर्षभन्दा बढी समयपछि पहिलोपटक प्रमुख ब्याजदर बढाएको छ । फेडरल रिजर्भको फेडरल ओपन मार्केट कमिटीले बुधवार संघीय कोषको ब्याजदरको लक्ष्य दायरा ०.२५ प्रतिशत बिन्दुले बढाएर ३.७५ प्रतिशतदेखि ४ प्रतिशत कायम गरेको हो। फेडका अनुसार निर्णय सर्वसम्मत रूपमा १२–० मतले भएको हो । फेडरल रिजर्भका अध्यक्ष केभिन वार्शले आर्थिक गतिविधि बलियो गतिमा विस्तार भइरहेको, घरेलु खर्चमा लचकता कायम रहेको, उत्पादकत्व वृद्धि बलियो रहेको तथा पूँजीगत लगानी मजबुत रहेको बताउनु भयो । उहाँकाअनुसार श्रम बजारमा रोजगारी वृद्धि कार्यबलसँगै अघि बढिरहेको छ र बेरोजगारी दरमा ठूलो परिवर्तन आएको छैन । यद्यपि, मुद्रास्फीति अझै उच्च स्तरमा रहेको भन्दै मूल्य स्थिरता कायम गर्न पछिल्लो ब्याजदर वृद्धिले सहयोग गर्ने उहाँले बताउनु भयो । फेडरल रिजर्भले आफ्नो मौद्रिक नीतिको प्रमुख उद्देश्य अधिकतम रोजगारी र मूल्य स्थिरता कायम गर्नु रहेको दोहो¥याउँदै मुद्रास्फीतिलाई दीर्घकालीन रूपमा २ प्रतिशतको लक्ष्यमा फर्काउने प्रतिवद्धता जनाएको छ ।
सेप्टेम्बर १५–१६ मा बसेको एफओएमसी बैठकसँगै सार्वजनिक गरिएको आर्थिक प्रक्षेपणमा फेडका अधिकारीहरूले सन् २०२६ को अमेरिकी अर्थतन्त्रको वृद्धि दर २.३ प्रतिशत रहने मध्य अनुमान गरेका छन् । जुन यसअघि जुन महिनामा गरिएको २.२ प्रतिशतको अनुमानभन्दा बढी हो । सन् २०२७ का लागि आर्थिक वृद्धि दरको अनुमान पनि २.४ प्रतिशत पु¥याइएको छ । बेरोजगारी दर भने २०२६ र २०२७ दुवै वर्षका लागि ४.१ प्रतिशत रहने अनुमान गरिएको छ । यसैगरी, व्यक्तिगत उपभोग खर्च मूल्य सूचकांकबाट मापन गरिने मुद्रास्फीति सन् २०२६ मा ३.७ प्रतिशत रहने अनुमान गरिएको छ, जुन यसअघि गरिएको ३.६ प्रतिशतको अनुमानभन्दा माथि हो । सन् २०२७ का लागि मुद्रास्फीतिको अनुमान २.३ प्रतिशतमै कायम राखिएको छ ।
फेडरल रिजर्भले बैंकिङ प्रणालीमा पर्याप्त तरलता कायम राख्ने आफ्नो नीतिलाई पनि निरन्तरता दिने जनाएको छ ।
नोटः फेडको आधिकारिक अभिलेखअनुसार पछिल्लो बैठक सेप्टेम्बर १५–१६, २०२६ मा भएको थियो र ब्याजदरसम्बन्धी निर्णय सेप्टेम्बर १६ मा सार्वजनिक गरिएको हो ।
This website uses cookies.