२०८१,६,४
संघीय संसद् अन्तर्गत चार समितिको बैठक शुक्रबार बस्दैछ।
शिक्षा, स्वास्थ्य तथा सूचना प्रविधि समितिकोे बैठकमा आज विद्यालय शिक्षा विधेयक, २०८० माथि संशोधनकर्तासँग छलफल हुनेछ। बैठक समितिको कार्यकक्ष सिंहदरबारमा बिहान ११ बजे बस्नेछ।
सार्वजनिक नीति तथा प्रत्यायोजित विधायन समितिको बैठकमा राष्ट्रिय निकुञ्जको अवलोकनसम्बन्धी विषयमा छलफल हुनेछ। यो बैठक पनि बिहान ११ बजे नै बस्नेछ।
विधायन व्यवस्थापन समितिको बैठक बिहान साढे ११ बजे बस्नेछ । बैठकमा कार्यपरामर्श उपसमिति पुनर्गठन गर्ने कार्यसूची रहेको संसद् सचिवालयले जनाएको छ।
राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिको ९संयुक्त० बैठक दिउँसो १ बजे बस्नेछ। बैठकमा राज्यका निर्देशक सिद्धान्त, नीति र दायित्वका सम्बन्धमा नीति अनुसन्धान प्रतिष्ठानसँग छलफल गर्ने कार्यसूची छ।
This website uses cookies.